Браќа Манаки - Интернационален фестивал на филмска камера

Ликот Харви на децата им ги откриваше тајните на магичниот музеј

На вториот ден од Јуниор програмата на 40. ИФФК „Браќа Манаки“ децата имаа можност да ја проследат проекцијата на филмот „Харви и магичниот музеј“ на чешките режисери Ина Евланикова и Мартин Котик. На проекцијата присуствуваа ученици од основните училишта „Стив Наумов“, „Др. Трифун Пановски“ и „Коле Канински“.

Приказната во овој анимиран детски филм е за дете кое ги оживува куклите во еден стар, прашлив музеј и ненамерно го оживува и лошиот мајстор на куклите, Бастор, кој пред многу векови си се оклопувал со делчиња од неговите креации.

По проекцијата, во соработка со Битолска Млекара и игротеката „Чудесна земја“, беше организирана детската работилница „Нацртај го својот омилен цртан јунак“, каде децата можеа да ги изразат своите креативни идеи за омилените филмски и телевизиски јунаци.