ЕФА ПРОГРАМА


КРАТКИ И ЈАСНИ!
Турнеја на кратки филмови номинирани од ЕФА во 2018 година

КРАТКИ И ЈАСНИ е турнејата на кратки филмови на Европската филмска академија што ги носи номинираните кратки филмови до публики ширум Европа и пошироко. Програмата во која се сместени кратките европски филмови номинирани за наградата на ЕФА е разновиден преглед на творештвото на млади, современи европски филмаџии. Овогодишната програма е сочинета од продукции/копродукции од Белгија, Бугарија, Франција, Грузија, Германија, Италија, Латвија, Португалија, Шпанија, Швајцарија, Холандија, Обединетото Кралство и Украина. Членовите на Европската филмска академија – повеќе од 3.500 европски филмски професионалци – го избраа севкупниот победник кој беше прогласен на 31. церемонија на доделување на Европските филмски награди во Севиља.

Кратката филмска програма се организира во соработка со серија филмски фестивали од секаде низ Европа. На секој од овие фестивали независното жири му доделува на еден од кратките филмови во конкуренција номинација за категоријата краток филм на Европските филмски награди.

There are no upcoming events at this time.